دليل زاجل للكابتن

رقمك والرمز

1. 1

   افتح التطبيق

   تطلعلك شاشة «سجّل دخولك». انت بعدك ما عندك حساب، فدوس سوّي حساب تحت.

   

2. 2

   اكتب رقمك ورمز سري

   اكتب رقمك بعد +964. واختار رمز سري، ولازم العلامتين «8 خانات أو أكثر» و«بيه حرف ورقم» يصيرن خضر.

   دوس أرسل رمز التأكيد.

   إذا طلعلك «أكو حساب بهذا الرقم…» هذا الرقم مسجّل. دوس «سجّل دخول»، أو استعمل رقم ثاني.

   

3. 3

   اكتب الرمز اللي وصلك

   يوصلك رمز من 6 أرقام على واتساب. اكتبه بالخانات، وينرسل وحده بعد آخر رقم. الشاشة تكول «الرمز يبقى صالح 10 دقايق».

   إذا طلع «رمز التأكيد غلط» الخانات تصير حمر. امسح الرقم واكتبه مرة لخ.

   إذا ما وصلك الرمز انتظر العداد، وبعده دوس «اطلب رمز جديد». وإذا الرقم غلط دوس «غيّر الرقم».

   

بياناتك

1. 4

   اكتب اسمك ورقم لوحتك

   اكتب «اسمك الكامل» نفس البطاقة الوطنية، و«رقم اللوحة» نفس المكتوب على مركبتك.

   فوك يطلع شريط أخضر «تأكد رقمك» ويمّه «كمّل التسجيل خلال نص ساعة».

   

2. 5

   اختار نوع مركبتك

   دوس «نوع المركبة» واختار وحدة: «دراجة نارية» أو «سيارة» أو «فان» أو «دراجة هوائية» أو «غير ذلك».

   بعدها دوس كمّل.

   

وثائقك

1. 6

   خمس صور لازم تكملهن

   «البطاقة الوطنية — الوجه»، «البطاقة الوطنية — الظهر»، «بطاقة السكن — الوجه»، «بطاقة السكن — الظهر»، «صورة شخصية (سيلفي)».

   فوك القائمة يبين كم صوّرت وكم باقي.

   

2. 7

   صوّر كل وثيقة

   دوس صوّر يم الوثيقة. تطلعلك شاشة بيها إطار ونصايح. دوس الدائرة البيضا تحت حتى تنفتح الكاميرا.

   البطاقة لازم تكون جوه الإطار وكل حوافها ظاهرة. الصورة الشخصية بالكاميرا الأمامية، وإطارها بيضوي.

   

3. 8

   اسمح بالكاميرا

   على الآيفون، أول مرة التلفون يسألك. اختار السماح.

   على أندرويد الكاميرا تنفتح على طول بدون سؤال.

   إذا طلع «ما نكدر نفتح الكاميرا…» هذا على الآيفون، يعني رفضت الإذن. دوس «افتح الإعدادات» واسمح لزاجل بالكاميرا، وارجع جرّب.

   

4. 9

   «واضحة؟»

   شوف الصورة. إذا الكتابة مقروءة وكل الحواف ظاهرة دوس استخدم الصورة، فترتفع وتصير «انرفعت». وإذا مو واضحة دوس أعد التصوير.

   وإذا تريد تبدّل صورة انرفعت، دوس «أعد التصوير» يمها.

   

5. 10

   سوّي الحساب

   من تكمل الخمسة يطلع «كملت الوثائق الإجبارية» وينفتح الزر. دوس سوّي الحساب.

   إذا مرّت نص ساعة يطلعلك «مرّت نص ساعة على تأكيد رقمك…». اكتب الرمز الجديد ودوس «أكّد وسوّي الحساب». الشاشة تكول «معلوماتك ووثائقك محفوظة، ما تنعاد».

   إذا طلع «أكو كابتن مسجّل بنفس رقم اللوحة» ارجع للشاشة السابقة، صحّح رقم اللوحة، وارجع دوس «سوّي الحساب».

   

6. 11

   اسمح بالإشعارات

   أول ما ينسوّى الحساب، التلفون يسألك عن الإشعارات. اختار السماح، حتى توصلك العروض وقرار الإدارة. وإذا رفضت، تكدر تسمح بعدين من إعدادات التلفون.

طلبك قيد المراجعة

1. 1

   انتظر

   الشاشة تكول «التطبيق يتفتح بعد موافقة الإدارة». ماكو غير زرين: حدّث وسجّل خروج.

   دوس «حدّث» حتى تشوف إذا انقبلت. إذا طلبك بعده ما انقبل يطلع «بعده طلبك قيد المراجعة.».

   إذا سمحت بالإشعارات، القرار يوصلك كإشعار والشاشة تتغيّر وحدها.

   

انقبل حسابك

1. 1

   تفتحلك الشاشة الرئيسية

   إذا سمحت بالإشعارات يوصلك «حسابك انفعّل». ومن تدوس «حدّث» أو يوصلك الإشعار، تدخل للشاشة الرئيسية.

   مناطق عملك زاجل تضيفها. إذا مكتوب «بعدك ما عندك مناطق عمل.» كلّم زاجل، لأن بدونها ما توصلك طلبات.

   

انرفض طلبك

1. 1

   اقرا السبب

   تطلعلك شاشة «عدّل وثائقك»، وبيها «انرفض طلبك» وسبب الرفض اللي كتبته الإدارة.

   

2. 2

   صوّر الخمسة كلها من جديد

   حتى لو وثيقة وحدة بس هي المرفوضة، القائمة تبدي من الصفر ولازم تعيد الخمس صور.

   من تكمل دوس أرسل مرة ثانية. ترجع لشاشة «طلبك قيد المراجعة».

   

حسابك موقوف

1. 1

   ما تكدر تشتغل هسه

   الشاشة تكول «ما تكدر تستخدم التطبيق هسه. تواصل ويانا حتى نعرف شنو صار ونساعدك.». ماكو بيها غير سجّل خروج.

   كلّم زاجل حتى تعرف السبب.

   

سجّل دخولك

1. 1

   اكتب رقمك ورمزك

   تكدر تكتب الرقم بصفر أو بدون صفر. دوس سجّل دخول.

   إذا طلع «رقم الموبايل أو الرمز السري غلط» صحّحهم، أو دوس «نسيت الرمز السري؟».

   

2. 2

   إذا ما كدرنا نوصل

   إذا فتحت التطبيق بدون نت تطلع هاي الشاشة. انت بعدك مسجّل دخول. شوف النت ودوس جرّب مرة لخ.

   

نسيت الرمز السري

1. 1

   اطلب الرمز

   من شاشة الدخول دوس «نسيت الرمز السري؟». تأكد من رقمك ودوس أرسل الرمز.

   إذا طلع «ماكو حساب بهذا الرقم بتطبيق الكباتن…» الرقم مو مسجّل كابتن. دوس «سوّي حساب جديد»، أو إذا مسجّل كتاجر غيّر رمزك من تطبيق التاجر.

   

2. 2

   اكتب الرمز ورمز سري جديد

   الشاشة وحدة: اكتب الرمز اللي وصلك على واتساب، بعدها «الرمز السري الجديد»، وعيده بـ«أكّد الرمز السري». دوس غيّر الرمز السري.

   

3. 3

   سجّل دخولك بالرمز الجديد

   يطلع «تبدّل رمزك السري». دوس سجّل دخول. رقمك يبقى مكتوب، اكتب بس الرمز الجديد.

   

شنو تشوف بيها

1. 1

   فوك

   اسمك و«انت هسه غير متصل». يعني بعدك ما بديت شفتك، وما توصلك طلبات.

   زر النقاط الثلاث يفتح «حسابي».

   كارت الشفت

   يبين شفتك ومتى يبدأ وينتهي. يطلع بس إذا زاجل شغّلت الشفتات.

   «مناطق عملي»

   الأماكن اللي توصلك منها عروض. زاجل هي اللي تحددها.

   ابدأ الشفت

   تضغطه مطولاً ثانيتين حتى تبدي تستلم طلبات.

   المربعات تحت

   «الكشف» و«الشفتات» و«الاشتراك».

   

إذا بيدك رحلة يطلع فوك كارت «رحلتك الحالية»، وزر «ابدأ الشفت» يبقى مفتوح حتى تكمّل توصيلك.

كارت الشفت وزر «ابدأ الشفت» (إذا زاجل شغّلت الشفتات)

الأوقات بالكارت بتوقيت بغداد. الزر ينفتح بوقت شفتك بس.

1. 1

   وقت شفتك ما إجه بعد

   الكارت يكتب «شفتك الجاي» ووقت البداية، والزر مقفول بقفل لحد ذاك الوقت.

   بهالصورة هم مكتوب «بعدك ما عندك مناطق عمل.». تكدر تبدأ الشفت، بس ما توصلك طلبات لحد ما زاجل تضيفها.

   

2. 2

   منطقة رمادية

   المنطقة الرمادية اللي ما بيها علامة موقع ما توصلك منها طلبات. يعني موقفة، أو أكثر من اللي تسمحلك بيه باقتك.

   

احجز وغيّر

1. 1

   افتح «الشفتات»

   من الرئيسية دوس مربع «الشفتات» أو زر «احجز شفتك». اختار «هالأسبوع» أو «الأسبوع الجاي». كل أسبوع حجزه وحده.

   الأسبوع يبدأ من السبت، والشفت اللي تحجزه يتكرر كل يوم بذاك الأسبوع.

   

2. 2

   احجز

   دوس الشفت. تطلعلك نافذة «تحجز شفت…؟». دوس احجز، أو تراجع إذا غيّرت رأيك. الشفت يصير «محجوز لك».

   

3. 3

   غيّر مرة وحدة بالأسبوع

   دوس شفت ثاني. النافذة تكول «هذا التغيير الوحيد المسموح هالأسبوع.». بعد التغيير يطلع «غيّرت شفتك هالأسبوع، ما تكدر تغيّره مرة ثانية.».

   

4. 4

   إذا باقتك تسمح بشفتين

   بعض الباقات تسمح بشفتين بالأسبوع. دوس الشفت الثاني واختار احجزه شفت ثاني، أو «بدّل شفت … بيه».

   الشفت الثاني ما ينحسب تغيير. التغيير يبقى مرة وحدة للأسبوع كله، والشفتين ما يتداخلون بالوقت.

   

ابدأ شفتك

1. 1

   اضغط مطولاً ثانيتين

   خلّي إصبعك على ابدأ الشفت. الزر يتعبّى ويكتب «استمر بالضغط…». لا تشيل إصبعك لحد ما يتعبّى.

   

2. 2

   اسمح بالموقع

   أول مرة التلفون يسألك. اختار السماح وقت استخدام التطبيق. زاجل تكتب السبب: «نستخدم موقعك وانت متصل حتى نوصلك الطلبات القريبة منك.».

   

3. 3

   إذا رفضت الموقع

   الشفت ما يبدأ ويطلع شريط أحمر: «منعت زاجل من الموقع. افتح الإعدادات واسمحله حتى تتصل.».

   دوس «افتح الإعدادات» بالشريط، تنفتح إعدادات زاجل بالتلفون. اسمح بالموقع، وارجع اضغط مطولاً «ابدأ الشفت».

   إذا طلع «لازم تسمح لزاجل يشوف موقعك حتى توصلك الطلبات القريبة.» رفضت بنافذة التلفون. دوس «تمام»، وارجع اضغط مطولاً «ابدأ الشفت» واسمح.

   

4. 4

   صرت داخل الشفت

   الشاشة تتبدّل وتكتب «داخل الشفت». شوف القسم الجاي.

   على أندرويد وانت داخل الشفت يبقى إشعار ثابت «زاجل | الكابتن» مكتوب بيه «أنت متصل وتستلم طلبات».

كل إذن وليش نطلبه

على التلفون اسحب الجدول بإصبعك لليمين حتى تشوف كل الأعمدة.

إذا طلع «شغّل الموقع (GPS) بتلفونك حتى تتصل.» موقع التلفون مطفي. شغّله من التلفون وارجع اضغط مطولاً «ابدأ الشفت».

1. 1

   فوك

   «داخل الشفت» و«مقفول لحد نهاية الشفت». وتحتهم كم مضى من الشفت، و«دخلت» وقت ما بديت، و«ينتهي» وقت نهاية الشفت.

   «رحلتك الحالية»

   إذا ما بيدك شي يكتب «جاهز — بانتظار طلب». وإذا بيدك رحلة يطلع كارتها هنا.

   استراحة وطوارئ

   تضغطهن مطولاً. شوف قسم الاستراحة وقسم الطوارئ.

   إنهاء الشفت

   تحت. تضغطه مطولاً من تخلص شغلك.

   

1. 1

   ابدأ الاستراحة

   اضغط مطولاً استراحة. فوك يصير «باستراحة»، والكارت يكتب «باستراحة — ما توصلك طلبات».

   ارجع للشغل

   اضغط مطولاً ارجع للعمل. ترجع «جاهز — بانتظار طلب».

   إذا سديت التطبيق وانت باستراحة لمن تفتحه تلكى نفسك بعد باستراحة، ولازم تضغط «ارجع للعمل».

   

جاوب على العرض

1. 1

   اقرا العرض

   الدائرة فوك: العداد يبين كم باقي.

   «مستعجل»: تطلع إذا الطلب مستعجل. ويمّها مسافة المحل عنك.

   «الاستلام من»: اسم التاجر ومنطقته.

   عدد الطلبات ومبلغ: المبلغ هو مجموع أجرة التوصيل، مو قيمة الطلبات.

   «التوصيل إلى»: مناطق الزبائن. اسم الزبون ورقمه وعنوانه يطلعن بعد ما تقبل.

   

2. 2

   اقبل

   دوس قبول لمسة وحدة. يطلع «الطلب صار عندك»، وبعدها ترجع للرئيسية وتلكى كارت الرحلة.

3. 3

   أو ارفض

   دوس رفض. ترجع على طول بدون رسالة. الرفض ما ينحسب عليك عرض فايت.

   إذا محد قبل الطلب، زاجل ترجع تدوّر عليه وحدها، فممكن نفس الطلب يرن عليك مرة ثانية بعد شوية.

4. 4

   إذا ما جاوبت

   من يخلص العداد يطلع «خلص وكت العرض» وترجع. هذا العرض ينحسب عليك فايت. ونفس الطلب ممكن يرن عليك مرة ثانية إذا محد قبله.

   

5. 5

   إذا فاتتك عروض ورا بعض

   تطلع من الشفت ويطلع شريط «انقطعت عن الطلبات لأنك فوّتت عروض». دوس «تمام».

   من تكون جاهز اضغط مطولاً ابدأ الشفت وترجع.

   إذا بيدك طلب مستعجل، العرض اللي ما تجاوبه ما ينحسب عليك وما تنطفي.

   

من تفضى (تسلّم طلبك، ترجّع الطلب، التاجر يلغي الطلب اللي بيدك، ترفض عرض، تبدأ الشفت، ترجع من الاستراحة، أو تطلع بآخر طلب عندك للزبون)، أول عرض يوصلك هو أقدم طلب ينتظر كابتن وتكدر تاخذه، حتى لو دا يرن على كابتن ثاني. اللي يقبل أول ياخذه. وإذا سلّمت أو رجّعت الطلب، هذا العرض يوصلك بعد ثواني.

إذا طلعت شاشة العرض برسالة ثانية مثل «هذا الطلب انلغى» أو «الطلب راح لكابتن ثاني»، شوف جدول رسائل العرض. وإذا التاجر ضاف طلب والعرض بعده يرن، الأرقام تتحدّث بنفس الشاشة.

شلون يرن

طلب تحوّله زاجل عليك

1. 1

   بدون رنين وبدون «قبول»

   زاجل ممكن تحوّل عليك طلب على طول. يطلع شريط أخضر «تم تحويل طلب لك» وكارت الرحلة بالرئيسية. وإذا التطبيق مو قدامك يوصلك إشعار «عندك طلبات جديدة».

   إذا ما كنت داخل الشفت، اضغط مطولاً «ابدأ الشفت» وكمّل الرحلة.

   

إذا انطفيت عن الطلبات

زاجل تطلّعك من الشفت بهالحالات. ترجع الشاشة تكتب «انت هسه غير متصل»، ويوصلك إشعار عنوانه «صرت غير متصل». وإذا التطبيق مفتوح، أغلب الأحيان يطلع شريط يكول السبب.

1. 1

   إذا انطفيت وبيدك طلب

   كارت الرحلة يبقى، و«ابدأ الشفت» يبقى مفتوح حتى لو مو وقت شفتك. اضغطه مطولاً وكمّل توصيلك.

   

من الرئيسية لحد المحل

1. 1

   افتح الرحلة

   كارت الرحلة يبين التاجر والمنطقة وكم زبون.

   «ادفع للتاجر»: مجموع قيمة الطلبات.

   «تستلم من الزبائن»: قيمة الطلبات ويا أجرة التوصيل.

   دوس على الكارت حتى تفتح الرحلة. وتحت الكارت «إنهاء الشفت» مقفول ومكتوب «كمّل رحلتك أول».

   

2. 2

   روح للتاجر

   تشوف الخريطة، وكارت التاجر، والمبالغ. أيقونة التلفون تتصل بالتاجر، وأيقونة السهم تفتح الملاحة.

   «متوجه للتاجر» تنسجل وحدها من تقبل الطلب، فما تحتاج تضغطها. تحرّك على طول، والزر اللي يطلعلك هو وصلت للتاجر.

   

3. 3

   انزل تحت حتى تشوف الطلبات والخطوات

   «الطلبات» تبين كل زبون وعنده كم تستلم. والخطوات تبين وين وصلت: «قبلت الطلبات»، «متوجه للتاجر»، «وصلت للتاجر»، «استلمت الطلبات»، «توصيل الطلبات».

   

4. 4

   «ابدأ الملاحة»

   دوس «كبّر الخريطة» حتى تشوفها كبيرة. دوس ابدأ الملاحة فينفتح تطبيق الخرائط على موقع التاجر.

   إذا عندك أكثر من تطبيق خرائط، التلفون يسألك تختار واحد. وعلى الآيفون يكتب «بأي تطبيق تريد تروح؟».

   من تخلص ارجع لزاجل وكمّل الخطوات.

   

5. 5

   «وصلت للتاجر»

   من توصل المحل اضغط مطولاً وصلت للتاجر. اضغطها لمن توصل فعلاً، لا قبل ولا بعد، لأن وقت انتظارك بالمحل ينحسب من وصولك.

   الوصول التلقائي: إذا زاجل شغّلته، من توصل وتبقى يم المحل شوية يتسجّل «وصلت للتاجر» وحده، وينحسب وقت انتظارك منه مثل ما تضغطه. ومن تستلم وتبعد عن المحل يتسجّل «استلمت الطلبات» وحده. «متوجه للزبون» تضغطه انت دائماً. وإذا ضغطت زر خطوة تسجّلت وحدها، ما يصير شي.

   أجرة الانتظار: بعض المحلات إلها وقت انتظار تحدده زاجل. إذا انتظرت بالمحل أكثر من هذا الوقت وبعدها انلغى الطلب، تنحسبلك أجرة التوصيل على التاجر وتطلعلك بـ«أجورك» بـالكشف.

   إذا الزبون لغى وانت مستلم الطلب: الدعم يتصل بيك ويلغي الطلب، وانت ترجّع الطلب للمحل. إذا الإلغاء من الزبون، تاخذ أجرة إرجاع على التاجر، نص أجرة التوصيل أو كاملة حسب اتفاق المحل، وتطلعلك بـ«أجورك». وإذا الإلغاء بسببك، مثل تأخيرك، ما إلك أجرة.

   

6. 6

   ادفع واستلم، وبعدها «استلمت الطلبات»

   ادفع للتاجر المبلغ المكتوب يم «ادفع للتاجر» واستلم الطلبات.

   بعدها اضغط مطولاً استلمت الطلبات. هذي الضغطة وحدة لكل طلبات الرحلة. وإذا الوصول التلقائي شغّال، تتسجّل وحدها من تبعد عن المحل بالطلبات.

   

إذا ما تكدر تكمل قبل الاستلام

1. 1

   «رجّع الطلبات»

   دوس رجّع الطلبات تحت. تطلع نافذة «ترجّع الطلبات؟». دوس رجّعها أو تراجع.

   الطلبات ترجع لباقي الكباتن ويطلعلك «رجّعت الطلبات لباقي الكباتن».

   هذا الزر يبقى بس قبل ما تستلم من التاجر. بعد الاستلام يختفي.

   

التسليم للزبون

1. 1

   اختار الزبون

   بعد الاستلام تتبدّل الشاشة إلى «توصيل الطلبات»، ويم «ادفع للتاجر» ينكتب «مدفوع». دوس على الزبون اللي تريد توصّله.

   

2. 2

   «متوجه للزبون»: هذي الخطوة لازمة

   تشوف اسم الزبون ورقمه والعنوان والملاحظة، و«استلم من الزبون» ويا المبلغ.

   زر التلفون يسألك «شلون تحچي الزبون؟». اختار اتصال حتى تتصل بيه، أو واتساب حتى تنفتح محادثته بالواتساب.

   إذا طلع «ما كدرنا نفتح واتساب، جرّب اتصال» الواتساب ما انفتح بتلفونك. دوس زر التلفون واختار «اتصال».

   الخريطة و«ابدأ الملاحة» على موقع التاجر بس، حتى بعد الاستلام. للزبون اقرا العنوان، وإذا تحتاج اتصل بيه.

   من تتحرك اضغط مطولاً متوجه للزبون.

   انتبه: قسم صورة التسليم ما يطلع قبل هذي الضغطة.

   إذا طلع «التاجر ما كتب عنوان، اتصل بالزبون.» اتصل بيه واسأله.

   

3. 3

   صوّر التسليم: إجباري

   من توصل دوس المربع الأحمر «افتح الكاميرا وصوّر التسليم». تنفتح الكاميرا الخلفية.

   الشاشة تكول «صوّر الطلب وهو بيد الزبون — هاي إثبات التسليم الوحيد.».

   «تأكيد التسليم» يبقى مقفول ومكتوب «صوّر التسليم أول» لحد ما تصوّر.

   

4. 4

   استلم الفلوس

   يطلع «انحفظت الصورة». إذا مو واضحة دوس «أعد التصوير».

   استلم من الزبون المبلغ المكتوب يم «استلم من الزبون».

   

5. 5

   «تأكيد التسليم»

   اضغط مطولاً تأكيد التسليم. وقت يطلع «دنرفع الصورة… لا تطلع من الشاشة» انتظر.

   ترجع لقائمة الزبائن، والزبون يصير «تم التسليم»، والعدد يتحدّث. عيد نفس الخطوات للزبون الثاني.

   

6. 6

   خلصت الرحلة

   بعد آخر زبون ترجع للرئيسية ويطلع «وصّلت كل الطلبات — خلصت الرحلة». وترجع «جاهز — بانتظار طلب».

   إذا رن عرض أول ما تأكد التسليم: مع التحديث الجاي يبقى العرض قدامك. إذا ما قبلته، ترجع لشاشة الطلب اللي سلّمته ومكتوب «وصّلت الطلب — خلصت الرحلة». دوس «تمام» وترجع للرئيسية.

   

أكثر من طلب من نفس التاجر

إذا زاجل شغّلت جمع الطلبات

هالعروض الإضافية ما توصلك لحد ما زاجل تفعّلها. من تتفعّل، ممكن يرن عليك عرض ثاني وانت شايل طلب.

1. 1

   يوصلك طلب ثاني وبيدك طلب

   إذا بيدك طلب مستعجل، ممكن يوصلك عرض لطلب مستعجل ثاني بهالشروط:

   كل الطلبات، اللي بيدك والجديد، رايحة لنفس الطريق. والمحل الجديد بنفس منطقة المحل اللي ماخذ منه، أو قريب منه بمسافة تحددها زاجل. ويصير هذا خلال وقت تحدده زاجل من قبولك أول طلب، حتى لو استلمت وانت بالطريق.

   يرن مثل أي عرض: دوس قبول أو رفض.

   

2. 2

   كل رحلة وحدها

   بعد «قبول» ترجع للرئيسية، وتشوف كل رحلة بكارت بـ«رحلتك الحالية». كل رحلة إلها خطواتها وفلوسها. استلم وسلّم كل وحدة بخطواتها.

   

3. 3

   «وصّلت كل طلبات هالرحلة»

   من تخلص رحلة وبيدك ثانية يطلع هذا الشريط. افتح الرحلة الثانية من كارتها وكمّل.

   

الطلبات العادية

1. 1

   بدون شارة «مستعجل»

   إذا بيدك طلبات عادية، ممكن يوصلك عرض لطلب عادي ثاني، حتى بعد ما تستلم، بس إذا كل الطلبات رايحة لنفس الطريق والمحل الجديد بنفس منطقة المحل اللي ماخذ منه أو قريب منه. وإذا زاجل شغّلت الاشتراكات، يصير هذا ضمن حدود باقتك. كل رحلة تبقى بكارت وبخطواتها.

   المستعجل والعادي ما يجتمعون بيدك.

   

تنهيه بنفسك

1. 1

   اضغط مطولاً «إنهاء الشفت»

   من تخلص شغلك اضغط مطولاً إنهاء الشفت. ترجع الشاشة تكتب «انت هسه غير متصل»، بدون رسالة.

   إذا الزر مقفول ومكتوب «كمّل رحلتك أول» بيدك طلب. وصّله أول.

إذا خلص وقت شفتك (إذا زاجل شغّلت الشفتات)

1. 1

   بيدك طلب: «كمّل توصيلتك»

   ما تنطفي. فوك يتبدّل إلى «خلص وقت شفتك» و«كمّل توصيلتك». كمّل وسلّم، وما توصلك طلبات جديدة.

   

2. 2

   بعد آخر تسليم

   يطلع «خلص وقت شفتك.» وترجع الشاشة مثل قبل الشفت. «ابدأ الشفت» يقفل لحد شفتك الجاي.

   وإذا ما بيدك طلب لمن يخلص الوقت، تنطفي وحدك ويطلع نفس الشريط.

   

إذا سديت التطبيق أو انقطع النت

1. 1

   إذا طلعت من التطبيق بس

   إذا رحت لتطبيق ثاني مثل الخرائط، أو قفلت الشاشة، شفتك يبقى شغّال والعرض يوصلك كإشعار.

2. 2

   إذا سديت التطبيق وانت بالشفت

   شفتك يبقى شغّال بس ما توصلك طلبات، ويوصلك إشعار «بعدك بالشفت». افتح التطبيق وترجع لشفتك وحدك، بدون ما تضغط شي.

   وممكن يوصلك إشعار لعرض كان يرن قبل ما تسدّه، أو لعرض من زاجل نفسها. افتحه وجاوب.

3. 3

   أكثر من ساعتين وما بيدك طلب

   نخلّص شفتك، ويوصلك إشعار «صرت غير متصل» مكتوب بيه «سديت التطبيق أكثر من ساعتين فخلّصنا شفتك. لمن ترجع اضغط «ابدأ الشفت».».

   لمن تفتح التطبيق تكتب الشاشة «انت هسه غير متصل»، وممكن ما يطلع شريط. اضغط مطولاً «ابدأ الشفت».

   

4. 4

   بعد نهاية شفتك وبيدك طلب

   إذا سديت التطبيق أو انقطع النت بعد نهاية شفتك وبيدك طلب، ما تنطفي. افتح التطبيق وترجع لـ«كمّل توصيلتك» وسلّم طلبك.

5. 5

   إذا انقطع النت وانت بالشفت

   شفتك يبقى، وما توصلك عروض لحد ما يرجع النت. وأي خطوة تضغطها بلا نت تطلعلك «ما كدرنا نوصل…»، فعيدها من يرجع.

   إذا طال الانقطاع أكثر من ساعتين وما بيدك طلب، ينتهي شفتك مثل التطبيق المسدود.

باقتك والباقات

1. 1

   افتح «الاشتراك»

   من الرئيسية قبل الشفت، دوس مربع «الاشتراك». فوك تشوف باقتك و«فعّال» و«ينتهي» وكم باقي.

   تحتها «الباقات»: كل باقة بسعرها بالأسبوع وحدودها، وباقتك مكتوب عليها «باقتك».

   

ادفع وجدّد

1. 1

   ادفع كاش لزاجل

   الشاشة تكول «الدفع من التطبيق مو متوفر هسه. ادفع الاشتراك كاش لزاجل وهي تفعّله إلك.». ما تشوف أزرار دفع.

2. 2

   يطلعلك وحده

   أول ما زاجل تفعّله يطلع بشاشة «الاشتراك» بدون ما تسحب الشاشة.

3. 3

   جدّد قبل ما يخلص

   جدّد بنفس باقتك حتى تنضاف الأيام بعد نهاية اشتراكك. إذا غيّرت الباقة: «إذا اشتركت بباقة غير باقتك، الجديدة تبدأ هسه وتنتهي الحالية.».

إذا تريد باقة أعلى قبل ما يخلص اشتراكك ما تخسر أيامك: ادفع لزاجل كاش فرق السعر عن الأيام الباقية بس، وزاجل تكولك المبلغ قبل ما تدفع. باقتك الجديدة وحدودها تشتغل هسه، و«ينتهي» يبقى بنفس التاريخ. تطلعلك بشاشة «الاشتراك» وحدها.

إذا دفعت قبل ما زاجل تفعّل الاشتراكات يطلعلك «اشتراكك مسجّل. زاجل بعدها ما فعّلت الاشتراكات، فحدود باقتك تبدأ من تفعّلها.» ويا باقتك ولحد متى.

إذا زاجل عندها باقة تجريبية تنضاف إلك وحدها أول مرة ينقبل حسابك. ما تنشرى، وما إلها فترة سماح.

لمن يخلص اشتراكك

1. 1

   «بفترة السماح»

   بعد نهاية الاشتراك تبقى بمهلة تكدر تشتغل بيها بنفس باقتك. «تكدر تشتغل لحد» يبين لحد متى، والشاشة تكول «جدّد قبل ما تخلص المهلة حتى ما تنقطع عن الطلبات.».

   

2. 2

   «منتهي» وما بيدك طلب

   تنطفي ويطلع «خلص اشتراكك فانقطعت عن الطلبات. جدّده حتى ترجع.». دوس اشترك حتى تفتح شاشة الاشتراك، والكارت يكتب «جدّد حتى ترجع تبدأ الشفت.».

   

3. 3

   إذا جرّبت تبدأ بدون اشتراك

   «ابدأ الشفت» ما يشتغل ويطلع «ما عندك اشتراك فعّال. ادفع الاشتراك لزاجل حتى نفعّله إلك.». ادفع وانتظر التفعيل.

   

4. 4

   خلص اشتراكك وبيدك طلب

   فوك يطلع «خلص اشتراكك» و«كمّل توصيلتك». كمّله وسلّمه أول، وما توصلك عروض جديدة.

   

1. 1

   افتح «الكشف»

   من الرئيسية قبل الشفت، دوس مربع «الكشف». واختار «يومي» أو «أسبوعي» أو «شهري».

   «الطلبات»: كم طلب وصّلت.

   «دفعت للتجار»: مجموع قيمة الطلبات.

   «حصّلت من الزبائن»: قيمة الطلبات ويا أجرة التوصيل.

   «أجورك»: أجور التوصيل، ويا أجرة الانتظار إذا انحسبتلك.

   

2. 2

   شلون تنحسب الفترة

   بتوقيت بغداد. «يومي» من اليوم، «أسبوعي» من يوم السبت، «شهري» من يوم 1 بالشهر. الفترات الأقدم ما تطلع.

   بأول الشهر ممكن «شهري» يطلع أقل من «أسبوعي»، لأن الأسبوع بدا بالشهر اللي قبله.

   

3. 3

   «طلبات وصّلتها»

   كل طلب بكارت: رقمه، والتاجر، ومنين لوين، ووقته. المبلغ بالكارت هو أجرتك من هذا الطلب، مو قيمته.

   الطلب يدخل الكشف أول ما تسلّمه، ويمّه «مكتمل». إذا الطلبات هواية دوس اعرض أكثر.

   أجرة الانتظار وأجرة الإرجاع تنضاف لـ«أجورك» بس، لأن طلبها انلغى، فما يطلع إله كارت هنا وما ينحسب بـ«الطلبات».

   وإذا ما عندك طلبات بالفترة يطلع «ما وصّلت طلبات بهالفترة».

   

1. 1

   اضغط مطولاً «طوارئ»

   خلّي إصبعك على طوارئ لحد ما يتعبّى.

   يطلع شريط أخضر مكتوب بيه «وصل تنبيه الطوارئ للإدارة وراح يتواصلون وياك.». دوس «تمام» حتى يختفي.

   إذا طلع شريط أحمر «ما كدرنا نوصل، جرّب مرة لخ.» التنبيه ما وصل. شوف النت واضغط مطولاً مرة لخ.

   

شنو بيه

1. 1

   معلوماتك

   اسمك ورقمك و«نشط». تحتها «وسيلة النقل» و«مناطق العمل». الشاشة تكول «وسيلة النقل ومناطق العمل تحددها الإدارة.». إذا تحتاج تغيّرها كلّم زاجل.

   «تغيير الرمز السري»

   اكتب «الرمز السري الحالي» و«الرمز السري الجديد» و«أكّد الرمز السري»، ودوس احفظ الرمز الجديد. ترجع لـ«حسابي» ويطلع «تبدّل رمزك السري».

   «عن زاجل»

   «سياسة الخصوصية» و«شروط الاستخدام» يفتحن صفحة على النت.

   سجّل خروج

   تطلع على طول بدون سؤال.

   

احذف حسابك

انتبه: الحذف نهائي، وما تكدر ترجع الحساب بعدين. إذا ردت ترجع لزاجل تسوي حساب جديد.

1. 1

   اقرا واكتب رمزك

   من «حسابي» دوس «احذف حسابي». اقرا «شنو ينمسح» و«شنو يبقى». اكتب «رمزك السري» ودوس احذف حسابي.

   الشاشة تكول «حسابك ينقفل هسه، وبياناتك تنمسح خلال 30 يوم. ما تكدر ترجعه بعدين.». ورابط «التفاصيل كلها» يفتح صفحة على النت.

   

2. 2

   آخر سؤال

   تطلع نافذة «تحذف حسابك نهائياً؟». دوس احذف نهائياً، أو تراجع إذا غيّرت رأيك.

   

3. 3

   انحذف

   يطلع «انحذف حسابك» وتطلع من التطبيق. دوس تمام.

   

متى ما ينحذف

1. 1

   «قبل ما تحذف حسابك»

   إذا بيدك طلب، الشاشة تكتب «عندك طلب بيدك» و«وصّله أول»، وزر الحذف يبقى مقفول. وصّل طلبك وارجع.

   وإذا رجع شفتك وانت بهاي الشاشة تكتب «إنت داخل الشفت هسه» و«دوس «إنهاء الشفت» من الرئيسية». أنهِ شفتك وارجع.

   إذا طلع «الرمز السري غلط» اكتب رمزك الصحيح.

   

التسجيل والدخول والرمز السري

الوثائق والكاميرا والمراجعة

الشفت والرئيسية

العرض

الرحلة والتسليم

الاشتراك والكشف

حذف الحساب

رسائل عامة